13.03.2026 ж. кәсіби бағдар беру жұмысы

2026 жылдың 13 наурызында 9А, 9Ә және 9В сынып оқушылары кәсіби бағдар беру мақсатында Шевченко көшесі, 202 мекенжайында орналасқан Принтмедиа колледжіне барып қайтты.

Іс-шара барысында оқушыларға колледждің оқу бағыттары, полиграфия, дизайн, медиа және баспа ісі салалары бойынша мамандықтар, оқу үдерісінің ерекшеліктері, тәжірибелік сабақтар және қабылдау талаптары туралы жан-жақты ақпарат берілді. Сонымен қатар студенттердің оқу барысындағы жобалық жұмыстары мен кәсіби дағдыларды меңгеру мүмкіндіктері көрсетілді.

Сапар барысында оқушылар өздерін қызықтырған сұрақтарын қойып, болашақ мамандық таңдау және шығармашылық-техникалық бағыттағы кәсіби даму жолдары туралы толық мәлімет алды. Іс-шара оқушылардың кәсіби бағдарын кеңейтіп, болашақ мамандықты саналы таңдауға ықпал етті.