Өткенін ұмытпаған, баһадүрлерін ұлықтаған ұлан-ғайыр атырапта мереке!

Өткенін ұмытпаған, баһадүрлерін ұлықтаған ұлан-ғайыр атырапта мереке! Иә, бұл мерекенің орны өзге. Қанымен қара тасқа қашалып, ғасырлар бойғы арман-тілекті бойына сіңіріп, сағым жылдардың елесін арқалап, асыға жеткен арманымыз. Дала төсінде тербеліп тұрар Тәуелсіздік бесігі шартарапты біріктірері сөзсіз. Қазақстан үшін, қазақ халқы үшін тәуелсіздік аспаннан түскен сый емес еді. Халқымыз бостандықты аңсап, тәуелсіздікке зарығып жетті. Аңсатқан азаттық жолында еліміз аз қиыншылық көрген жоқ. Тәуелсіздік - ата-бабамыздың ежелден келе жатқан арманы. Халқымыздың бостандыққа ұмтылысының және өшпес қайсар рухының арқасында тәуелсіздікке қол жеткіздік. Бұл күнге дейін жеткен ұмытылмас оқиғалар - ел бостандығын қорғау соғыстары мен ұлт-азаттық көтерілістердің тарихымызда өшпес өнеге, өлмес мұра. Осы орайда мектебімізде "Алты Алаштың айбынын асқақтатқан Тәуелсіздік" атты мерекелік кеш өтті.Ұлттың намысы үшін алаңға шыққан боздақтарымызды еске алдық. Көрермендер рухани азық алып, алғыстарын білдірді...